無綫劇集《鐵探》演員王君馨到銅鑼灣宣傳，講到她昨日33歲生日，她指早前已與老公在香港歎Spa慶祝，到生日早上返到屋企，老公亦繼續送上窩心驚喜！
她說：「開完工20幾個鐘之後，朝早6點幾返到屋企就見到好大束花，仲準備咗啲食物放喺雪櫃，好窩心。」
而近日忙於拍攝劇集《唐人街》的她，透露昨日開工時整傷腳趾公，她說：「拍攝吊威吔戲嗰陣，自己驚撻傷尾龍骨，結果整傷咗左腳腳趾公，都會去睇脊醫，因為之後都好多大打戲要拍。」
王君馨又指好姊妹鍾嘉欣帶同女兒Kelly為她慶祝生日好sweet！蛋糕是Kelly妹妹揀給君馨姐姐，好sweet啊！
好姊妹鍾嘉欣
她說：「我同老公都好開心見到身邊朋友嘅小朋友慢慢長大，好似我哋慢慢準備緊個心，去迎接呢啲嘢，令到我唔會咁驚，但係到時我都一定唔會自然分娩，拍埋預計一、兩年之後啦，都唔係咁急嘅。」
(綜合報道 / on.cc)
