台灣天王周杰倫（周董）2014年娶咗昆凌之後，一直都對老婆呵護備至，貼心程度直頭稱得上係「寵妻狂魔」！
不時公開放閃嘅周董連昆凌嘅社交網都唔放過，一見老婆Po相都會秒讚秒留言～
即使佢依家忙緊演唱會都冇偷懶，今日昆凌一分享咗張自拍，周董秒Like之後仲不忘留言炫耀：「我最快 謝謝😆 演唱會都要開始 還是可以這麼快😂」
昆凌亦識做咁回應老公：「你真的好搞笑！快去工作～～～」真係畀佢哋閃盲喇！
不過就有網民突破盲點講咗句：「男人不能說自己快！」又啱喎！有粉絲就提議周董下次不如用「我愛你」嚟代替「我最快」，話唔定有更好嘅冧妻效果呢！
(on.cc)
