湯洛雯（靚湯）和羅天宇分手一年多，早前獲無綫「牽紅線」，安排二人一齊到挪威拍攝旅遊節目《3日2夜》。
不少網民都叫兩人「不如復合」，但靚湯似乎心意已決，出發前被問兩人關係？靚湯說：「好明顯就係好朋友關係，如果我同佢仲有啲咩關係，就唔會嚟呢個Trip。」
但羅天宇就尷尷尬尬地說：「係㗎咩？或者要收收埋埋。」
羅天宇一講到靚湯就笑晒口，似乎只是「襄王有夢」？
而下周一便是靚湯的32歲生日，連日已有慶祝活動，似乎仍未有前男友羅天宇一份。靚湯在IG Story上載與一班好朋友為她預祝生日的開心片段，見她穿上一件紅色bling bling裙，非常搶鏡。
不過重點係，同場有男有女，靚湯雖然畀女仔Friends圍到實，不過「外圍」嘅男性好友外形都唔差，唔知有冇機會呢？
而今次慶生，靚湯收到一束靚靚鮮花，有紅酒飲又有Cake食，靚湯表示許了一個好長的生日願望，未知是否希望快點找到真命天子，佢自己都話好感恩有呢班好友喺自己身邊呀！
(綜合報道)
