歌手洪卓立（Ken）帶同一大盤自製壽司，到電台宣傳新歌《數寄屋橋次郎》，表示新歌歌名是日本一間著名壽司舖，所以就想整壽司來宣傳，5月頭亦會在活動上整壽司，他又謂跟師傅學了幾日。
講回新歌，他表示是講人生規劃：「同另一半有啲人生規劃，但準備到一半時分手，咁淨番嘅規劃要點處理呢？」
問到新歌可是自己的心聲？他表示：「係大家都會經歷嘅事情，都有朋友講緊結婚但結唔成。」問到他分手後怎樣處理人生規劃？
他表示：「有啲人問，如果我真係book咗間壽司舖仲去唔去，我諗睇時間，如果啱啱分手嘅話，真係食之無味，如果心情OK咪去，當然好多計劃都未必實行到。睇事情發展，隨緣啦。」
另外，他有開心事宣佈，就是與公司提早續約，問到簽了幾年？他就謂有一段長時間，但開心可以好快買樓，問到可是續約加人工買到樓？他笑言：「物色吓啦。（想今年內買到？）希望愈快愈好，因為都係買嚟自住。」
(on.cc)
