藝人苟芸慧（苟姑娘）出席台灣民宿美食節，身為當地人的她透露已有4年沒有返家鄉，有機會也想帶老公陸漢洋到當地旅遊。談到已結婚一段日子，甚麼時候才生B？
苟姑娘笑說：「未呀！未有好消息，我哋唔急，計劃係兩、三年後嘅事，依家享受二人世界，做多啲慈善工作，有小朋友好多嘢會做唔到。」
「（你同姊妹王君馨鬥遲生B？）緣分囉！睇吓邊個小朋友嚟先。（你想君馨生先？）我唔知佢幾時，但我老公就鍾意老虎仔，傳統啲，會睇埋生肖。」
問到生完B是否退出？苟姑娘坦言要睇情況，但自己較喜歡工作。對於曾與她傳緋聞的郭富城宣布太太誕下第二胎，苟姑娘表示也有從新聞上獲悉：「恭喜佢，希望小朋友可以健康同可愛。（傳恭喜短訊畀佢？）又冇，呢度講一樣啦！」
(綜合報道 / on.cc)
