藝人葉翠翠不時喺社交網分享兩個囝囝嘅生活點滴，琴日（11日）係大仔「小王子」嘅2歲生日，翠翠就喺屋企搞咗個簡單而隆重嘅生日Party，佢晒出多張慶生相，相中見兩個囝囝齊齊戴上生日造型帽，屋企又放滿氣球及獨角獸公仔，非常有氣氛！
2嵗小王子好錫細佬，細佬都同哥哥玩得好開心！
翠翠仲留言：「小王子今天兩歲了！兩年前的今天，他來了我們的家庭，使我們的世界改變了…從此之後，他成為了世界的中心…媽mi只希望他有快樂的童年，在充滿愛的環境中長大。」
翠翠有仔萬事足，抱住兩個仔一臉幸福！
之後，兩位「王子」仲齊齊換上西裝，一家四口外出食生日大餐，不過要一次過照顧兩個囝囝似乎有啲吃力…
搞到翠翠不禁大嘆：「帶着兩隻monkey去街真係冇命…」大家睇下爸爸個樣…😄
希望一家四口繼續快快樂樂，兩兄弟要相親相愛！
(綜合報道)
