結婚多年，育有兩子分別9歲和7歲，近日Jenny宣布再有喜，已懷有七個月身孕的她，證實今胎又是仔，昨晚Brandon偕愛妻出席活動，腹大便便的Jenny仍行動自如，即將成為三子之父的Brandon半開玩笑說當獲知消息時，兩夫婦立即淆底，他笑說：「產前抑鬱就冇，但少少淆底，因為諗住以後唔使湊嘛！Jenny初期都好淆，不過順其自然啦！」
他說今胎並非是計劃之內，預產期在六月，對於突如其來多了一名「豬仔」，也實在感恩，家中兩個準哥哥最為開心。
問到會否鍛煉體能迎接新生命來臨？Brandon說：「之前畀兩個仔玩謝咗，都冇乜準備，但就冇兩個仔嚟嘅時候咁緊張。（Jenny佗今胎有冇唔同反應？）初頭三個月都有嘔，依家舒服晒，仲可以去吓活動，五月應該要閉關。」
名人周國豐（Brandon）與太太黃泳霖（Jenny）將再度升任爸媽，恭喜恭喜！
「（想唔想追個女？）應該冇咁嘅福氣，男仔其實好玩㗎，但見到人哋啲女，又好嗲Daddy，若再生第四個，唔係唔得，如果都係仔嘅話，係我唔得喇！」
希望第三個仔仔乖啲啦~
（綜合報道 / on.cc）
