鄭嘉穎及林家棟今日出席影視博覽宣傳電影《P風暴》，嘉穎拍《P風暴》是第二次拍這套系列的電影，電影尾段有不少動作場面，他跟周秀娜第二次合作，之前一齊演《葉問外傳：張天志》，他大讚娜姐是專業演員。
「動作場面少不免受傷撞瘀，娜姐一句都冇投訴。做咗爸爸都唔會多咗考慮，動作戲一係接、一係唔接，老婆都係演員好明白呢樣嘢，冇諗咁多。BB成日有變化，而家就似我，大啲可能唔同。做咗爸爸就知，會好掛住小朋友。」
嘉穎表示目前小朋友每兩小時就要人照顧，所以要經常陪伴在側，要很有耐性及愛心，至於問到換片、餵奶等工作，嘉穎稱自己有做哂，最挑戰就是掃風，照顧兒子使他有滿足感，他笑言之前幫兒子換片時，已經被請「飲茶」，他說：「我已經企喺側邊同佢玩緊，陪月幫手換，點知突然一pat暖嘅嘢射咗上塊面。」
新手爸爸鄭嘉穎要繼續加油呀！
(綜合報道)
