現時懷有8個多月身孕嘅名模樂基兒（Gaile），早前喺三藩市舉行Baby Shower，尋日佢再獲一班友人為佢送上驚喜，大搞香港站Baby Shower！
Gaile 喺社交網上載多張現場環境相及大合照，其中一張相見佢攬住友人嘅囝囝，肉緊獻吻，仲笑言冷落咗身旁嘅老公，相當搞笑！
Gaile之後再發長文多謝親朋好友，佢提到因為懷孕後期加上賀爾蒙嘅關係，令佢牌氣變差，甚至唔想見人，但係老公同朋友都非常體諒，默默為佢安排好一切，就連好多久未見面嘅好友都有現身，令佢感到非常幸福，仲話呢啲珍貴嘅回憶係幾多錢都買唔到，再次感激百忙之中抽空出席嘅親友。
大緊肚嘅Gaile更自嘲現在常常渴睡，好難令自己起床。
(on.cc / appledaily)
