前港姐陳凱琳（Grace）日前宣布囝囝Rafael出世，坐緊月嘅佢專心湊B，而一班好友都忍唔住去探兩母子！
繼陳嘉寶同賴慰玲後，今次就到「少婦聯盟」喇！
譚凱琪（Zoie）喺Instagram上載「三娘教子」合照，寫上「誰家的寶貝呀」，雖然冇講明係去咗探Grace，但網民都估到係嘅！
而見到頭髮超濃密嘅Rafael瞓喺龔嘉欣膝上，而Zoie同沈卓盈（Jess）就用手指指住BB，露出慈母嘅眼神，畫面勁溫馨！
三位眼神好有愛！
網民都叫不如其餘果三位姊妹都快D做媽媽，就可以四個一齊湊B，分享下湊B心得喇！
而喺Grace生之前，大家仲記唔記得佢哋影過「泳衣浴缸寫真」五人進化版？網民都話好期待阿Grace抱住Rafael再影過呀！
(綜合報道 / on.cc)
