藝人蕭正楠（Edwin）現身健步足球活動，並落場比賽，他表示向來有踢足球：「我有同自己啲朋友踢波，有時會撞到啲聾啞人士一齊踢，又或者慈善比賽。」他坦言之前未聽聞健步足球，知道該運動適合50歲以上人士，笑言要跟曹永廉和黎耀祥組隊參加。
提到他與太太黃翠如近日不停在社交網站放閃，日前放了兩人打羽毛球和食漢堡包的相片。
他說：「唔係放閃，我成日都想佢一齊做運動，但佢嘅運動天賦弱啲，我跑完一圈返嚟，已經見到佢跌咗喺度，仲點忍心叫佢跑，咁有個草地，就同佢一齊打羽毛球，跌都係跌喺草地，不過佢真係少運動。」
除了踢波，Edwin亦愛睇球賽，問到翠如會否陪他睇波？他說：「佢唔鍾意睇波，不過之前去英國，佢買到曼聯上一季嘅第一場比賽門票，嗰日入咗好多球，真係好開心，啲飛好難買，因為係開季第一場，全場爆滿，我哋都係坐山頂位。」
(on.cc)
