藝人苟芸慧（苟姑娘）及黎諾懿出席慈善活動，講到同場有很多小朋友，問到諾懿為何不帶囝囝小春雞來？
他表示：「佢啱啱先發完燒，之前發咗3日高燒，醫生搵唔到咩原因，初頭以為係吽疹，但唔係，又唔係流感，到第4日準備入醫院時就開始退燒，得番微燒，如果唔係今日佢嚟到就會掃場！佢比較活躍，冇時停，如果佢一嚟到我會分心，依家同朋友食飯帶埋佢，我都淨係望住佢，驚佢跌。」
問到如果追多個豈不是更慘？
諾懿表示：「可能會好啲，因為依家老婆大安旨意叫我湊，但如果生多個就可以推畀佢，依家喺屋企如果個仔整親我可能番唔到屋企。」
他自爆之前囝囝學他打觔斗，但撼親頭：「腫咗少少，起咗個瘤，我即刻幫佢搓番，但都畀老婆鬧。」
問到苟姑娘可羨慕諾懿？她即謂：「超羨慕，頭先都有同佢傾偈，其實我有個侄仔，小朋友2至6歲係活躍期，好戥諾懿開心…」
「依家我就玩住其他人嘅小朋友先，希望遲啲有小朋友時就帶佢哋嚟親子活動。身邊都好多女仔朋友生咗小朋友，希望姊妹帶埋小朋友出嚟聚會。（依家努力中？）努力緊，呢啲嘢唔好畀壓力。」
(on.cc)
