藝人胡杏兒前年誕下囝囝Brendan，現時懷有第二胎嘅佢，早前同老公李乘德（Phil）返咗男家嘅祖村祭祖，仲孭起擔挑，實行做「客家村姑」！
昨日老公Phil於社交網上載咗幾張相，透露佢哋再次返咗祖村祭祖，仲以英文解釋指每年農曆正月十五，佢哋條村都會舉行為期三天嘅點燈儀式…
而佢今次都有帶埋老婆杏兒、囝囝Brendan，齊齊回鄉祭祖並進行儀式。
大家食過客家菜未呢?
相中見佢誠心上香，另外一張相仲見到佢拖住一歲幾嘅Brendan，唔知Brendan仔望緊啲咩呢？
至於大緊肚嘅杏兒都有上載一張喺戶外曬太陽嘅相，相中見着上鬆身長裙嘅佢將個肚遮得幾好，驟眼望落冇乜孕味之餘，仲幾有青春活力添！
(綜合報道 / on.cc)
