【BB衫係男仔定女仔？】單文柔孖同屆港姐首晒凸肚照

第一年以人妻身份過新年嘅單文柔（Phoebe）即將做媽媽，現時專心養胎嘅佢趁住過年同姊妹們見吓面！

琴晚就相約同屆港姐劉穎鏇及魏韵芝，同係「美女學徒」嘅鍾晴就去咗Phoebe屋企拜年，佢哋仲送上BB衫，唔知件BB衫係男仔定女仔呢？

大家合照時更喺Phoebe肚上擺出心心手勢，非常有愛！自懷孕後甚少公開大肚相嘅Phoebe，已經佗B六個幾月，孕肚亦開始明顯，網民又大讚素顏嘅佢佗得好靚！

而老公陳展鵬就未見影，忙搵奶粉錢呢？

（ig / 綜合報道 / on.cc）