藝人姚子羚之前被網友惡搞圖片，被尊稱做「表哥」，不過佢好玩得，唔單止冇嬲，仲識自嘲添！
話說佢最近去咗加拿大，同曾喺劇集《酒店風雲》飾演佢「三表哥」嘅佢相隔14年再合作，子羚喺社交網上載親密合照…
搞笑留言話：「當『表哥』遇上三表哥 表妹表哥再重聚 唔知有冇機會再一齊拍劇呢？」
原來係「三表哥」吳卓羲
當年一齊拍《酒店風雲》，不過已經有一段長時間無合作
唔少網民話回憶返晒嚟，好期待今次再度合作
不過有部分網民就錯重點，竟然紛紛起哄叫佢哋考慮吓對方：「兩個都單身，可以考慮下喎！」
連身為子羚好姊妹嘅胡定欣都加把嘴：「唔知以為你Honeymoon（度蜜月）」
子羚都有即時回覆：「可以係family trip」其實兩個都係靚仔靚女，望落幾襯呀！
(綜合報道 / ig / on.cc)
