拍拖四年幾感情穩定，去年佢接受訪問時談及感情，曾表示與男友認識了九年時間，拍拖四年。談到結婚，當時佢表示唔會爬Sherman頭，不過而家竟然。。。
同王君馨、G.E.M.、衛蘭、衛詩等都好好姊妹！
連鍾舒漫（Sherman）都話Sukie竟然快過佢有喜訊！問到係咪奉子成婚，Sherman就話。。。
33歲歌手鍾舒祺（Sukie），與年長三年的本地樂隊Ever結他手李恒韜拍拖四年多，感情相當穩定，日前更正式入紙排期註冊婚，其擬結婚通知書曝光，男方職業報稱音樂人，鍾舒祺則報稱藝人，二人報住大角咀同一地址。
熱愛音樂的Sukie推出過不少專輯和單曲作品，亦參加過不少歌唱比賽，近年更拍住家姐鍾舒漫合作。
去年她接受訪問時談及感情，曾表示與男友認識了九年時間，拍拖四年。談到結婚，當時她表示：「唔會爬家姐頭，一定要家姐結婚先，仲要佢生仔先。」誰知現在先一步公布喜訊。
Sherman受訪時對妹妹的婚事「被發現」感到意外：「估唔到咁快就畀人知，其實都係開心事，佢哋認識超過十年，希望佢哋嚟緊嘅日子，用夫婦嘅身份繼續走下去，妹妺結婚梗係開心啦，佢竟然快過我，但係見到自己個妹，有個咁錫佢嘅人係佢身邊，自己好滿足！」
問妹妹是否奉子成婚？她代否認：「絕對唔係，佢哋深思熟慮咗一段時間先決定結婚。」。
相信Sukie成班好姊妹都會好戥佢開心！恭喜晒！
(綜合報道/on.cc)
