鄭嘉穎去年8月與陳凱琳（Grace）拉埋天窗，結婚冇耐就有好消息。
二人在11月同時在社交網站中宣佈Grace懷孕消息，佗住豬仔嘅陳凱琳話咁就快有已經有五個月身孕，早前出席活動仲踢爆老公BB床都未買，就竟然先買玩具！
有傳Grace的預產期是今年3月，早前Grace亦透露開始準備BB房。
準媽媽Grace曾經話過自懷孕後嘉穎變得溫柔，出門前也摸着Grace肚皮，跟Grace和BB說要小心。
作為新手爸爸嘅鄭嘉穎，似乎都已經相當興奮，今日喺微博上載同一堆BB衫、尿片同埋佢至愛網球拍等合照。
其中一張是他拿着有「帥」字的BB衫仔，而他亦留言：「開始學習當爸爸，紙尿褲、奶瓶、BB衫、網球拍都準備好了！」
成個慈父樣出晒嚟，由佢嘅溫柔笑容同望着衫仔嘅眼神，絕對見得到呢位準爸爸心情真係非常開心，隔住個Mon都知道佢已經準備好做爸爸啦！
(綜合報道)
