藝人丁子朗、莊思明和港姐冠軍陳曉華為周六和周日無綫直播的《香港世界盃場地單車賽》出席記者會，問到子朗和思明可有踩單車運動？
莊思明問健身單車算不算，因她技術有限，試過當年和同學去大埔踩單車時落斜失控險些衝落山，幸只是擦傷少少。而子朗稱早前在新加坡旅行有踩共享單車，覺得方便又便宜。
至於思明稱在外地只試過私家車自駕遊，那次在韓國卻險被「屈錢」…
她說：「嗰次我停車時，啱啱擦過前面一架載貨電單車，見對方原先冇事，但當我一出聲知我係外地人，佢就扮呢到痛嗰到痛，話要我賠100萬韓圜（約7,000港元）…」
「我話冇錢，最後我都打畀租車嘅保險公司同報警，警察嚟到都叫我唔使畀，因係呃人嘅，咁其實我都冇100萬韓圜畀佢啦，所以就畀警察處理。」
（綜合報道 / on.cc）
