李佳芯聽完都想效法買桃花：「我冇買過，因我唔識分桃花定梅花。」被提議搵馬太（馬國明母親）了解買花，但李佳芯取笑佢話：「我得一個馬太（黃心穎）電話。」但馬明就扮懵，並反問係唔係講緊馬德鐘太太。
馬國明同李佳芯昨日喺九龍塘出席賀年活動，李佳芯指以往新年喺屋企負責擺放全盒食物，而馬國明家中每年都買桃花，細個會喺桃花下不斷兜圈。直至現時有事業有愛情，佢都會保持習俗：「梗係要，行多幾個圈添，因為都係人緣，都想行桃花運，喺劇中放肆，現實中都可以。」
至於會否趁豬年帶「馬太」回家？馬明表示生活中未講到這個話題，目前想先搵錢，又呻窮話：「我係全公司最窮嘅一個，使費好大，又要養父母。（有無儲老婆本？）有儲錢，但無定明係老婆本。有計劃與家姐一起置業，買個細單位的上車盤，用來投資，香港地存錢入銀行只會貶值。」
至於會唔會同「馬太」黃心穎夾錢買樓？佢笑笑口認自己好花心：「未傾呢個，未來馬太好多個，我形象好花心。」李佳芯就想以個人名義買樓，感覺會較穩陣，唔打算同男友合資。
(綜合報道)
