於娛圈人緣極好的康華獲多位藝人朋友現身支持，包括無綫高層樂易玲、金牌監製梅小青、陳煒、姜皓文、陳慧珊、湯鎮業、阮兆祥、張文慈、謝雪心、梁靖琪、湯盈盈、譚小環夫婦等，高朋滿座！
而薛家燕、苗僑偉、佘詩曼、鄭丹瑞、馬國明與女友黃心穎、胡杏兒、吳卓羲、黃宗澤、徐子珊、吳啟華、唐文龍、劉心悠、陳浩民、歐陽震華及鄭浩男等亦有拍片祝賀，為康華出道打了一枝強心針！
演而優則唱的康華今日以歌手身分舉行唱片公司簽約儀式及新歌《拼火花》MV首播發布會，宣布以47歲之齡闖入樂壇。
康華受訪時自言非常開心又感動，因為意想不到有咁多好友現身撐場，更不禁喜極而泣：「有好多都係要度期抽時間嚟，之後仲要開工。」
問到做新人的感覺？她自嘲是「樂壇老新人」：「感覺都幾奇怪，我今日都係第一次睇MV嘅完整版，尋晚緊張都失眠，依家都開緊4部戲都好忙，又要理呢個發布會有冇人嚟，真係好多謝佢哋（朋友），估唔到自己人緣咁好，平時做人真係要心地好。」
講到今次有多位好友力撐，康華首先點名要多謝佘詩曼，大爆對方自掏腰包再幫自己拍攝Poster，更借出私伙衫擔任造型師：「Poster上面件背心係佢借畀我，佢幫我搵晒資料，其實我影咗一輯海報，畀佢睇諗住問吓意見，點知佢話個感覺似失戀，就叫我重新影過，但我冇咁大Budget，佢就即刻問我邊日得，搵埋啲Crew、化妝師、設計師幫我再影，都真係好唔好意思，佢真係好熱心幫我，今日呢套衫都係佢襯。（知唔知重拍用咗幾多錢？）真係唔好意思問，之後我會買番份貴重嘅禮物畀佢、多謝佢。」
她又提到歐陽震華都有不時跟進新歌的製作進度：「佢聽完會畀意見，之後再同監製整過，又會問我個Look點樣。（請佢哋食飯多謝？）唔止食飯，如果我有能力幫到佢哋做任何嘢，都會赴湯蹈火，今世做唔到，下世都會幫佢哋做番啲嘢，會珍惜佢哋！」問到有給父母聽過新歌？她說：「媽媽聽咗，爸爸耳仔唔係咁好，等佢有精神再畀佢聽。」之後會再出歌？她笑話如果今次新歌反應好，或者於年底「添食」。
正趕拍《法證先鋒IV》的藝人陳煒凌晨收工後亦抽時間出席發布會撐場，她自爆雖然跟康華是「情敵」，但都會落力撐：「係喺劇中同佢係由好朋友變情敵，都同佢合作過好多次，佢都有畀我聽首新歌，係好喜慶又開心，好啱過年去登台，希望佢豬籠入水！」又大讚對方可塑性強，唱歌、跳舞都好「耍家」：「同我本身識嘅佢好唔同，佢國語Rap嗰把聲係唔認得，唱番廣東話就認得。（平時片場有聽佢唱歌？）都有，未埋位佢會練聲。」
(綜合報道/on.cc)
