藝人陸浩明（6號）與模特兒女友陳詩欣（Ayan）情侶檔現身活動，兩人感情穩定，問是否好事近？6號即時將結婚推在樓巿上：「我好傳統，想買到樓先結婚，畀首期都要六、七位數，先置業後談婚，女友有啲要求。」Ayan澄清是6號有要求：「佢有太多嘢，要好多位去擺。」
他希望今年樓價作出調整，年中可以找到心水樓盤，之後還要挑選鑽戒：「如果買隻純銀戒指求婚，唔係結婚，係分手。」買樓又結婚，到時咪雙喜臨門！？
6號曾在節目上自爆試過不小心將女友叫錯Mayanne（麥美恩）：「我覺得好過意唔去，因為佢哋好唔同，各有各靚，但Mayanne就內在多啲。我第一次見Ayan已經鍾意佢，後來發現佢喺社交網站一早add咗我。」
他又笑指會將女友叫錯嘟姐（鄭裕玲）及肥媽。
問Ayan是否非君不嫁？她說：「唔係，我有好多選擇。（要咩條件先嫁？）專一最重要，門面嘢唔重要。（改咗叫錯名嘅習慣先？）係囉！」6號指以後見到Mayanne都會叫Ayan。
(綜合報道/on.cc)
