劇集《大帥哥》已經播完，但仍然有唔少網民都仲熱議緊。
相關新聞：
【網民感動到喊 大帥哥張衞健：唔要權唔要勢唔要錢只要⋯】https://goo.gl/7Amwu1
【《大帥哥》大結局 洪永城寫信畀張衞健：大哥，你成功了！】https://goo.gl/W1JEKv
【入行18年終於憑《大帥哥》彈起 「天嬌」譚凱琪：做豬年新娘都唔錯】https://goo.gl/rTerZN
【入行14年終被認同 楊秀惠：一路睇都一路震】https://goo.gl/qsK8kj
徐榮今日喺商台接受訪問，佢透露點擊率已經累積至6億幾，徐榮笑住話：「出到街，啲人叫我『羅義』，終於洗甩咗『馬強』（《愛‧回家》角色），好開心。」
徐榮表示好希望能夠原班人馬再合作，「如果張衞健大哥想，我都想㗎，或者拍時裝，以查案為題材，同埋oversea去多啲地方拍，咁就正喇，其實張衞健大哥要抖，佢真係用盡腦汁，拍嘅時候冇停過，就算放食飯放宵夜，佢都係不停寫緊嘢，跟住嗰場戲，大家要點做，所以我諗佢要沉澱一排。」
對於羅義被馬炭槍殺一幕，徐榮指囡囡包包（徐心怡）冇睇：「之前有場戲講羅義救艾妞嘅時候被拮咗一刀，包包已經睇到想喊，已經谷緊眼淚，跟住我抱住佢同佢講『假嘅，唔係真嘅！』，佢就收番啲眼淚，佢仲細。」
之後又提到原來哥哥都一樣：「哥哥（徐朗）細個嗰陣，睇我喺《愛‧回家》嘅撞車戲，佢都有喊，我0依家同哥哥講番係咪覺得好搞笑，點解會喊呢，佢話『係囉，做戲之嘛！』」
(apple daily)
