藝人楊秀惠憑喺《大帥哥》飾演「艾妞」一角彈出，網民都大讚佢表現，被網民封為《最佳女配角》！
之前佢哋都有一齊睇大結局！感情好好～
呢日楊秀惠Post咗合照同短片。
原來係為好姊妹李思欣慶生！
當年李思欣結婚，楊秀惠都有做姊妹！
秀惠留言話：「大家姐終於約到二家姐食餐生日飯了🎂Happy Belated Birthday祝妳生（身）體健康！生日大快樂🎉🎉。」
同場仲有周家蔚～三個人好似黐頭芒咁，家蔚仲餵思欣食紅桑莓，感情好到爆呀！
李思欣同老公范振峰好Sweet咁慶祝咗佢1月8日嘅正日生日，早幾日去內地登台，忙到冇時，所以尋日先約到同閨密楊秀惠同周家蔚慶祝。
另外，見到3人相中都着住綠色衫，原來係思欣定嘅Dress Code，話綠色代表青春常駐咁解！
唔講未必記得，原來楊秀惠李思欣早喺2004年拍攝無線青春偶像電視劇《赤沙印記＠四葉草‧2》嘅時候已經結緣扮演姊妹，不過，戲中飾演佢哋細妹嘅陳自瑤就未見蹤影。唔少網民都話集體回憶返晒嚟，仲話好期待見到佢哋合體呀！
(綜合報道/on.cc)
