索媽陳敏之自從誕下仔仔雷子樂之後時不時都會喺社交網PO下湊仔日常，一家三口超溫馨～
敏之過幾天就踏入40歲，Fans每年都會為敏之舉行生日會。
今年亦不例外，不過估唔到連佢都罕有出席，齊齊分享喜悅。
敏之表示：「媽咪都係第一次出席，現場氣氛好好，我都有買到禮物畀現場每一位粉絲，每一份都係自己揀同買，佢哋好開心。」
粉絲都大讚陳媽媽Keep得好好，壽星女敏之更向母親獻吻，真係Sweet爆呀！
講到往年跟馬國明一起舉行，敏之表示今年對方太忙，所以夾唔到時間。而敏之的正日生日（17號）亦是囝囝雷子樂考入學試的一日，所以她嚴陣以待，寧願提早搞生日派對！
而昨日敏之再PO大合照，今次係圈中好友為佢慶生！
出席嘅有胡杏兒兩夫婦、伍詠薇、袁偉豪、陳山聰、嚴淑明等等，場面十分熱鬧！
敏之留言話：「多謝大家陪我玩了一個瘋狂的晚上🥳🥳🥳大家都好靚🥰🥰🥰 Love u all 」
(IG/綜合報道)
