前港姐馮盈盈出席商場迎新春活動，獲送上桃花揮春，笑指作為藝人，桃花愈多證明多貴人扶助，寄望新一年更加大紅大紫，令其有錢供樓。
對於男友置業，她有份付首期，問到為何還要幫手供樓？盈盈謂：「盡量幫手，一陣大吉利是男友失業點算，經濟上有保障，到時斷供咪蝕埋個首期，所以新一年大個女要長進啲，唔可以再吃喝玩樂，要學識理財，以前揮霍都覺得合理，依家買咗樓父母覺得成件事係好，人有得着先成長。」
由於近日對樓市有研究，結果成為專家，被取笑染指財經版，對於成為90後榜樣。
她笑謂：「有啲咁嘅事？我未覺得可以，我有啲中學同學都開餐廳做生意，所以唔覺得買樓好叻，反而都想回饋社會，好似最近都贊助麥明詩踩單車，佢出力我出錢（有冇慰問佢，佢踩到爆晒粗？）唔知喎！睇佢都辛苦，但有男伴一齊都幾開心，希望佢enjoy旅程，我就冇呢個膽量同毅力。」
（on.cc）
