前港姐冠軍莫可欣帶同10歲女兒迦晴及兩隻愛犬Maro、Jesse出席人狗百萬行活動，每年都現身支持的她表示6個月大的Maro是剛領養：「舊年結婚10周年隻狗走咗（離世），都冇諗過再領養，係緣分，而Maro領養番嚟有肺炎，睇完醫生就好番。」
講到老公方中信正與周潤發於澳門拍戲，莫可欣透露電影題材跟跑步有關：「佢拍得好開心，寓工作於娛樂，佢都跟咗發哥跑咗步年幾，由一開始跟唔上喺山度爆晒粗口，依家就快過好多人，同埋佢真係瘦咗好多、弗咗，發哥真係感染到好多人跑步。（都感染到你？）都有跑，但膝頭哥傷咗，搞咗半年都未好番，希望新年後好番可以跑，因為真係會上癮，自己都弗咗。」
10歲女兒迦晴都有跟媽媽參加活動
大家話似爸爸定媽媽呢？
(綜合報道 / on.cc)
