菊梓喬（Hana）在昨晚舉行的勁歌總選大豐收，合共捧走六個獎，更揮低天后容祖兒及同門師姐吳若希，首次奪得「最受歡迎女歌星」獎，更突顯其「星夢一姐」地位。
當佢上台攞獎時，Hana淚盈於睫，仲哽咽話：「多謝TVB，由第一首劇集歌畀我唱開始，之後一首接一首！多謝老闆何哲圖畀好多鼓勵同信任我！真係冇諗過拎獎，都係平常心面對，可以唱歌係我畢生嘅夢想！」
當昨晚司儀宣布Hana獲該獎時，身旁的吳若希拍爛手掌，似乎比獲獎的Hana笑得更開心更誇張。
Jinny被網民指極力恥笑師妹Hana。
頒獎禮結束後，她跟眾歌手影大合照，吳若希跟她有講有笑，毫無芥蒂。受訪時，Hana表示非常滿意自己的成績表，又透露奪得「最受歡迎女歌星」最為驚喜：「我真的無想過攞到這個獎，不過踏入新一年，又要重新出發。」
笑她名正言順做「星夢一姐」，她帶點怕醜說：「不要這樣說啦！」吳若希點名鼓勵她明年再接再厲攞獎，菊梓喬說：「多謝她，她剛才都有恭喜我攞獎，好開心。」
她在頒獎台上按捺自己不可以喊，她解釋：「是一個結，我留住團火，直至開個人演唱會，才一次過釋放出來，所以要忍住，我都差點破功，好彩及時吞返情緒落去。」有指公司為力捧她，所以復頒該獎？她說：「這個不清楚，要問公司。」
(綜合報道 / 網上圖片 / mingpao)
