老友黃翠如早前去探病，兼補祝佢38歲生日。翠如貼心送上生日蛋糕，兩個還搞笑用手指代替蠟燭，他亦當時亦祝願自己早日康復，健健康康。
翠如留言：「隻聖誕襪裏受了重傷的腳掌的主人，祝你充滿喜劇細胞的腳掌快點康復，你這個壽星仔，祝你識得say NO」
前日終於可以拆石膏，同時在沒有麻醉的情況下抽出鑲在腳掌內的五顆鋼釘，簡直痛到入心！
他受訪時說：「冇得打麻醉針㗎！我呢啲叫『裸拔』！我仲聽到釘同骨之間嘅摩擦聲，幾核突㗎！」
他續指今次可以拆石膏，全因獲醫生體諒：「醫生話我包住石膏，都成日見我又開工又出宣傳，索性拆咗，等我舒服啲！拆完個感覺，簡直係又美麗又涼快！不過醫生要我聽話，嚟緊一個月唔可以踩腳落地，所以要着住腳套，撐拐杖行路。」
正為邵氏網劇《飛虎之雷霆極戰》趕工的藝人黃宗澤（Bosco），上月拍攝時發生意外，不慎夾傷左腳掌致骨折，需動手術取出碎骨後再鑲鋼釘。
他休息不足兩周便復工，包着石膏拍文戲，期間帶着「天殘腳」出入拍攝現場，一拐一拐，苦不堪言！
尚未完全康復的Bosco前日終於可以拆石膏，同時抽出鑲在腳掌內的五顆鋼釘，觀其表情就知道痛得要命。
雖然剛受過拔釘之苦，但他未有好好休息，隨即全副武裝上陣，撐着拐杖及戴腳套為《飛》劇開工。他表示因劇組趕着月底煞科，所以盡量配合，身旁的前輩姜大偉亦大讚他敬業！
(綜合報道 / on.cc)
