陳茵媺今日出席品牌活動，打扮型得嚟又有啲性感，佢笑笑口話係健康嘅性感。
提到今日由老公陳豪負責照顧小朋友，陳茵媺就話：「佢ok，好多我做到的，佢都做到，當然未必似我咁好，但係佢都得的，所以放心。（在家會爭住湊小朋友？）會，由大仔開始已經係，聽到喊就會出去睇，小朋友都好黐我們兩個。（細女最嗲爸爸？）阿女其實個個都嗲，本身性格真係好嗲，媽媽爸爸都會嗲，大仔又係好嗲。」
提到早前親自設計家庭月曆，陳茵媺坦言是讀設計出身，亦正製作家庭相集，希望給家人及自己睇返過去一年的美好回憶。
咁無綫有否叫她回去拍劇？陳茵媺透露有傾過，但首要是時間上配合得到，要照顧小朋友及拍攝上取得平衡。
陳茵媺笑指大仔跟細女平日鬥嗲，反而二仔比較Man及文靜，將自己的情緒收埋。至於三個小朋友在家會否打架？她說：「好少打架，普通爭玩具都會，最終都會解決得到，因為我成日同他們講『We are one big happy family, we need take care each other』，要互相照顧對方，他們是要互相遷就，大家先可以公平些。」
(Mingpao)
