之前單獨去西藏旅行，先後失證件同提款卡，不過都當尚算冇穿冇爛平安返港。
點知佢最近同Friend去泰國玩，竟然出晒事，玩到入院不特止，仲抽血抽到暈埋，嚇親幫佢嘅醫護人員…
話說佢去泰國玩體驗邊睇「肉男」跳舞邊食飯，連佢都笑話自己「色字頭上一把刀」…
不過佢哋就喺嗰間餐廳食完生蠔之後，第二晚齊齊屙到入左急症，而一向都打針都會嚇到暈嘅Regen，因為早前學針灸少暈咗，以為自己已經克服打針，所以佢就冇同醫生講要做定心理準備，點知尋晚醫生插針去佢手背抽血時，佢又嚇到暈咗，仲嚇親在場嘅醫護人員，唔怪得之佢都以「不堪嘅回憶」去形容今次旅行。
全文：「故事教訓色字頭上一把刀 突（特）登去睇d（啲）肉男跳舞啊喇 仲錦（咁）開心啊喇 仲食埋佢地（哋）個生蠔啊喇 第二晚就入左（咗）急症 今次仲要唔係自己一個 係第一次同我去泰國旅行既好朋友 一齊痾（屙）一齊爭廁所 留下一個不堪嘅回憶 好sad 一向都好怕打針 由細到大打針10次9次都會驚到暈左（咗） 但係學左（咗）針灸就少暈左（咗） 以為自己克服左（咗） 錦（咁）今次就無同醫生佢地（哋）講定 我可能會暈啦 點知尋（噚）晚佢插針去我手背抽血 我真係又嚇到暈左（咗）嚇埋d（啲）醫護人員 睇黎（嚟）今年目標去捐血都無可能。」
不過最爆嘅係…佢哋去完嗰間餐廳嘅第二日，即係佢哋入院嗰晚，間「肉男」餐廳都……執埋笠…真係……
歌手張惠雅（Regen）勁怕打針
(ig / 綜合報道)
