冇揀到生日嗰日開刀生仔，反而喺去年10月31日，剖腹生咗囝囝包包，當時佢話因為囝囝身形較大，醫生建議提早開刀，雖然唔係同囝囝同一日生日，但係同囝囝都係天蠍座，唔知係咪咁，囝囝同媽咪嘅性格都好相似。
淡出娛樂圈嘅李悅彤（Liddy），被爆去年初同澳門富商鮑偉業已婚，兩人仲喺葵涌開設生活家品店，Liddy當時挺住巨肚做老闆娘，生活無憂。
不經不覺B仔「包包」已兩個幾月大，噚晚Liddy漏夜貼相，話自己帶囝囝去曬太陽，諗住吸吓維他命D，點知阿仔太似自己，搞到皺晒眉。
Liddy留言話：「天氣難得有太陽，趕緊帶包包去曬太陽，吸收下維他命D，但我家包包一遇陽光就會皺眉頭，瞇晒眼似足佢阿媽。」
睇見包包被媽咪包到隻糉仔咁，去到戶外曬太陽，瞇晒眼嚟避耀眼陽光，直到有人企喺包包前面擋咁啲，先見包包擘大眼仔少少，睇嚟，可能真係似遺傳阿媽喎！
(apple daily)
