「宇宙最強」甄子丹與太太汪詩詩2003年結婚，二人共同育有一仔一女。
汪詩詩最近一家人就去影樓影「汪氏」全家福留念，當中包括佢父母，佢自己一家，妹妹汪圓圓同佢老公蔡加讚，加佢哋大女同一對孖仔，合共11人，認真熱鬧。
11人影合全家幅製作相當認真，大家都盛裝打扮，即係男就西裝，女就晚裝裙嘅造型。
張相入面，就由詩詩父母做主角，企正中間位置，而平時拍戲做開主角嘅子丹，就企埋一邊。
除咗子丹呢個女婿做「配角」係亮點，另一個亮點就係子丹嘅外母汪媽媽，罕有性感，佢着住黑色交叉吊帶開衩晚裝，大騷手臂兼黃金左腳。
子丹外母上月開Ig戶口，有post自己嘅相，稱自己已60歲。
汪媽媽真係keep得唔錯，佢今年60歲，唔係大子丹好多，只係相差5年，佢兩個女詩詩同圓圓都分別37歲同32歲，佢哋3母女企埋一齊似三姊妹多啲，所以汪媽媽嘅凍齡功力都唔輸蝕。
(IG/apple daily)
