「胡說八道會」由胡定欣、胡蓓蔚、胡杏兒、姚子羚、黃智雯和李施嬅組成，佢哋一直以嚟都好好感情，陪住對方走過大大小小嘅各種難關。唔少網民都好鐘意佢哋～
上年佢哋仲一齊拍咗綜藝節目《胡說八道真情假期》，節目播出之後更大受歡迎！
做咩事都有咁多個好姊妹喺背後Back up support，真係好幸福！
今次輪到杏兒！
胡杏兒有份拍嘅電影《朝花夕拾芳華絕代》已上映，戲中講佢係梅姐識於微時嘅好朋友Amy，二人沉迷追星，癡戀西城秀樹。
連好耐冇見嘅郭羨妮都有份參演！
一班「胡說八道」好姊妹胡定欣、胡蓓蔚、 姚子羚、李施嬅及黃智雯噚晚約埋一齊去睇呢套戲，齊齊撐場！
李施嬅喺IG貼出豹哥為佢哋影嘅合照，留言：「2019第一次齊人，date night就係去撐杏兒新戲，做得好好。好叻sss!So proud of you!」
而黃智雯亦喺IG話同姊妹聯誼好開心：「有咩正得過入戲院支持sisters的電影，Love your performance!總覺得你帶我哋睇呢套電影，係別有意思!」有眼利嘅網民憑相嘅環境認到佢哋去咗將軍澳寶琳嗰間戲院。
而佢哋對上一次咁齊人，就係去年12月，黃智雯未能憑《三個女人一個「因」》奪得視后嗰日，佢哋都晒過合照，齊心鼓勵黃智雯。
杏兒之後都有喺IG PO相多謝好姊妹撐場，佢留言話：「Thank you my sisters and Pal Gor for supporting our movie, 2019第一次齊人，仲要齊人睇戲，今年真係有運行！！」
(綜合報道/apple daily)
