藝人湯怡去年與拍拖11年嘅洪卓立（Ken）分手。
正當每個人都以爲他們要結束愛情長跑，宣佈結婚之際，共同發的竟然是分手宣言，讓網民大感驚訝！
至今差唔多成三個月，湯怡而家仲有「新歡」添，唔怪得心情越來越好啦！
湯怡於社交網分享相片，佢攬到呢位「新歡」實一實，仲着埋情侶裝，雖然佢就笑晒口，但對方都黑晒面，搞到湯怡都問佢點解「成個苦瓜乾咁」？
其實「新歡」係個BB嚟啫，佢仲自爆阿媽曾以為佢自閉添。
「我地（哋）今日好襯呀Bebe，點解你細細個果（嗰）時係咁笑，而（依）家一大就係咁皺眉 成個苦瓜乾咁，不過姨姨細個都係咁，仲唔講野（嘢）添，話說我媽曾經以為我自閉。」
大家都話既然湯怡咁鍾意小朋友，都祝願佢快啲搵到個啱嘅人組織家庭添！
(ig / 綜合報道)
