鄧健泓夫婦、吳日言(Yan)及黃芷晴撐場支持。另外佢又感激馮寶寶同邵音音支持，分別買咗20及50本書。
前有線主播嚴崇天最近推出處男小說《像雪一樣紅》，尋晚喺銅鑼灣舉行簽名會，跟他識於微時嘅Aka@Super Girls，仲親手為其新書畫封面，令阿天十分感動，還搞笑說可惜，因為佢不能夠以身相許。
同阿天識咗超過二十年嘅Aka話，對方係佢人生中最好嘅朋友，之前舉行嘅畫展，都係阿天鼓勵先成事，佢仲話：「四、五年前我患上玫瑰疹，心情低落，我打電話畀佢訴苦，佢即刻飛的嚟陪我傾足成晚，當時佢仲發緊燒。」
至於啱啱坐完月嘅Yan就現身支持好友，記者指她身材比之前更豐滿，佢就搞笑話：「我o依家嘅身材由少女Cup變成媽咪Cup，不過Cup數對我嚟講係唔重要，最重要係有足夠嘅母乳，我o依家仲係適應中，但已經好好，因為冇谷奶，醫生亦都話乳腺正常。」
問Yan係咪會追多一個？佢就話：「生仔嗰種十級痛真係好深刻，醫生問我仲生唔生，我0.01秒就答唔生，本來醫生叫我要好好避孕，但BB出世後又覺得好可愛，都想佢有弟弟或妹妹陪。」
問到囡囡Beatrice有中文名未？阿Yan話囡囡中文名叫林禧茹，用個禧字，因為佢同老公喺千禧年拍拖，所以作為佢哋一個紀念。
(Apple daily)
