經過連月嘅籌備，一對準新人早前已經喺香港同佛羅倫斯影咗婚照，婚禮嘅準備功夫已經搞得七七八八，Jessica早前就趁父母都喺香港，提早做咗過大禮儀式。
已經影好婚紗相！
去年5月接受拍拖兩年嘅富二代男友金承威（Kenneth）求婚，其後出席活動時更大晒4卡鑽戒。
汪詩詩表妹、32歲湛琪清（Jessica）又透露今年年初就係婚期。
Kenneth雖然係「番書仔」，但講到傳統嘅禮數，佢全部都做到足，過大禮當日，佢就喺大妗姐同兄弟帶領下，抬咗八擔中式禮餅、名貴首飾、手錶、龍鳳鈪、金豬牌、椰子、生果、海味同禮金去女家，單係睇數量已經誠意十足，Jessica嘅父母見到未來女婿咁細心亦相當滿意。
當日Jessica兩位表姐汪詩詩同汪圓圓都在場，加埋一眾女家親友，大家都好開心。
講到Kenneth嘅背景，來頭亦唔少，擁有美國史丹福大學經濟系學士、管理科學工程碩士嘅佢，除咗係整形外科醫生金永強之子，仲係潘迪生外甥，而東亞主席李國寶就係佢姨丈，後台相當強勁。
不過，Kenneth本身亦都好有實力，除咗學歷高，佢畢業後返香港，亦自己搞飲食、醫學美容同科技領域等生意。
(apple daily)
