藝人利嘉兒做新城節目《生活有得簡》嘉賓，剛做母親的她表示女兒已3個半月大。
時間過得很好，亦好開心女兒在2個月多時已戒掉夜奶，更一覺瞓到天光，在佗B時又沒有特別嘔過，就連陪月阿姨都讚女兒孝順。
問到湊女後工作可有影響？她謂：「工作上都減少好多，BB每日都好多變化，唔想錯過BB嘅第一次，每日都幫佢影相，出世到依家影咗成萬張相，老公都話我黐線。」問是否為湊B不出外旅行？她說：「有諗過帶佢去旅行，但老公同朋友都覺得等阿女再大啲穩陣啲，始終太細嘞！」
可會再追多個？她謂：「順其自然亦唔抗拒，以我年紀若果再有要感謝上天畀我，因為我覺得將來父母唔喺度，有個弟妹有個伴會好好多，所以喺人力物力許可下，就算自己辛苦都值得嘅。」
(on.cc)
