歌手謝安琪（Kay）早排忙住出席各大頒獎禮，成為大贏家嘅佢終於可以休息吓！
琴日佢就同老公張繼聰全家總動員出街睇展覽享受下天倫樂 ，支持畫家小克！阿聰喺社交網上載大合照。
不過畀阿仔張瞻搶晒鏡，事關佢擺出個唔知想點嘅pose，翹晒腳叉晒腰仲嘟起個嘴，而佢個噴泉頭仲相當吸睛，作風超似爸爸張繼聰！
之後阿聰再晒出全家福，瞻仔繼續Chok到行，而妹妹張靖（Karina）識單手插袋又雙手舉V扮可愛，真係好叻呀！
網民除咗大讚全家型到爆同好羨慕佢哋咁幸福，仲留意到11歲嘅瞻仔大個咗好多，高度已經去到媽媽個膊頭喇！
兩兄妹表情同高度相映成趣，唔知妹妹Karina望緊咩呢？
(ig / 綜合報道)
