現年31歲嘅馬賽原名司馬賽兒，今日突然喺社交網宣佈婚訊，搶閘做2019年娛樂圈第一個宣佈結婚嘅新娘。
相關新聞：
【08年港姐季軍馬賽突然冧曬合照宣布已婚：往後餘生】https://goo.gl/U9YSLi
【馬賽宣布結婚 同屆港姐各有去向】https://goo.gl/6k7Eo8
嗰陣因為個樣似台灣女星桂綸鎂而被叫做「的骰桂綸鎂」，最後獲得季軍同最上鏡小姐獎項，卸任後馬賽加入無綫做藝員，一直受公司力捧，先後拍過《名媛望族》、《法證先鋒III》等劇，13年喺《神探高倫布》擔正做第一女主角。
入行多年嘅馬賽，工作量不俗，但係緋聞亦相當多，好似佢先後同吳卓羲、周志文傳緋聞。
但最震驚莫過於在13年11月，被爆出同大陸女製片人汪子琦有一段親密關係。
嗰陣汪子琦仲因此同富婆Laura離婚，最初馬賽否認此事，但其後被踢爆講大話，馬賽形象插水，即時被無綫雪藏！
對於馬賽宣佈結婚，富婆Laura今日回覆《蘋果》話：「我唔知佢（馬賽）結婚，我平日唔留意花邊新聞，今日記者打嚟問，我咪知囉。不過佢啲嘢，我唔回應喇！」
再問會否祝福馬賽？Laura就話：「唔答喇，總之大人不記小人過。可以嘅話，我唔想同佢個名掛鈎。」
(綜合報道/apple daily)
