早兩日周星馳公佈咗賀歲片《新喜劇之王》嘅宣傳片，導演由原先邱禮濤換成「周星馳導演作品」之外。《新喜劇之王》入面嘅演員，除咗知道男主角由王寶強擔任，宣傳片入面見到一位女演員老是常出現，佢仲不時重演《喜劇之王》內經典場面，好似栢芝食住煙回望，同星爺教田雞田啟文做戲一幕。
《喜劇之王》有好多經典場面。
有理由相信佢係繼林允之後，新一代星女郎。
而呢位新星女郎嘅身份亦都曝光，佢係現年29歲、大陸演員鄂博，畢業於中央戲劇學院表演系。星爺搵佢拍喜劇自然有原因，鄂博14年就參加湖北衛視喜劇類選秀節目《我為喜劇狂》時，第一季就贏到冠軍。之後演出過中央電視台幽默視頻嘅《博樂先生微逗秀》、喜劇《你是豬麼》、同埋網絡喜劇《千萬別基動》、《醒醒吧，xx》。
去年仲參加東方衛視喜劇素人挑戰綜藝節目《笑聲傳奇》，全部都係同喜劇有關，又出身正統戲劇學院，所以成為《新喜劇之王》女主角，做女版周星馳。
(Apple daily)
