伊能靜日前上大陸清談節目《魯豫有約》透露自己由於原生家庭造成傷害，未成年已踏出社會工作，面對複雜嘅環境，導致內心欠缺安全感，所以處理婚姻關係時有啲問題，「其實我前一段婚姻，我應該要很有安全感的，可是那時候的我沒有把自己修鍊好」。
伊能靜今早喺微博留言指有報道將佢講嘅嘢，解讀為伊能靜對庾澄慶(哈林)呢段婚姻嘅總結，佢怒罵媒體斷章取義，強調自己冇講過去嘅感情事，整個訪問係講同老公秦昊相處嘅點滴，佢稱在訪問中有清楚指出「遇到現在的先生，我本人沒有指到任何其他人，以往不會未來也不會」，又指事件已找律師取證，「不刪除一律提告」。
伊能靜強調自己冇講過去嘅感情事。
伊能靜之後再修改微博留言，重申自己整個內容係講緊秦先生，形容報道會令雙方fans互相攻擊，「惡劣的社會根源，難怪國家屏蔽(刪除)大號」。
伊能靜之後再修改微博留言。
伊能靜現時過住相夫教子嘅生活，相信已尋找到安全感，每天過得快快樂樂。
(apple daily)
