王君馨亦有PO相，仲「吻賀」古仔！
佢留言話：「恭喜古生！歌影視都有咁好嘅成績！真係叻叻豬! 仲有仲有就係你為香港樂壇出緊嘅一份力，really admirable! 以你為榮！#TeamFeel #第二張相忍唔住 #古生之後仲問 #你先生唔會介意咩？ #我話你係古天樂 #應該冇問題 #HubbyIsProb」
2019年嘅元旦日，對古天樂嚟講係「奇蹟日」，佢連樂壇嘅獎，商台「叱咤我最喜愛的男歌手」都攞埋，真係稱霸歌影視。
講到出聲話鍾意唱歌嘅古仔，憑半首歌就攞獎，當然值得慶祝啦！身為演藝人協會會長嘅古仔，噚晚就同協會嘅理事成員食飯慶祝，錢國偉今日喺微博貼相，出席嘅理事有薛凱琪、余安安、王君馨、阮兆祥、王梓軒、李志剛同路芙等，ViuTV高層魯庭暉都有去。錢國偉留言寫住︰「齊來興奮慶祝會長，我最喜愛男歌手！」
佢哋好有心思訂製咗一個蛋糕送畀古仔，除咗寫住「MR. KOO，CONGRATULATIONS」之外，上面仲大大隻字寫住「叱咤」，同星星旗仔嘅「我最喜愛的男歌手」，古仔見到呢個蛋糕開心到呢，仲攞埋個獎座去慶功。
(IG/Apple daily)
