藝人余文樂同老婆王棠云（Sarah）去年5月升呢做爸媽，囝囝余初見(Cody)出世後，樂仔由潮男變湊仔公，不時喺網上貼出抱住囝囝嘅相。
不過就從來冇曝光過囝囝嘅樣貌。
樂仔自言去年係人生當中，工作冇咁忙嘅一年，樂仔認為上天畀咗一個好好嘅時間，好讓佢可以同寶貝仔Cody好好相處。
樂仔呢日喺IG再晒父愛，貼出同囝囝嘅浴照，出post一個鐘，已經有7萬幾個「心心」，fans都同Cody打招呼，留言指「初見個樣好無奈」、「流鼻血啊!性感的Cody」、「大個咗好多」等。
好難得見到囝囝側面！唔知之後會唔會曬正面照呢？
網民形容呢個係「最棒的親子時光」，呢個咁溫馨嘅時刻，相信樂嫂都在場，估計呢張相應該係樂嫂影嘅。
(apple daily)
