【心情跌落谷底】陳敏之好自責:我心如刀割,是媽媽不好

    陳敏之除夕夜約埋黃翠如、蕭正楠、洪永城等倒數兼開party,同囝囝雷子樂「直踩到2700am」,即係玩到2019年1月1號凌晨先返屋企。

    今日陳敏之喺IG貼出囝囝雷子樂嘅相,敏之指自己心情跌落谷底。

    原來雷子樂患流感,噚晚一直發高燒,燒到塊面紅卜卜,敏之話囝囝噚晚食咗藥一直未退燒,今早帶囝囝去睇醫生,知道囝囝患流感,敏之感到自責。

    佢留言話:「我心如刀割,是媽媽不好,帶你去玩,玩到太夜,唔夠休息中咗招,看見你受苦,我是多麼內疚和自責,希望你快點好起來,媽媽帶你去睇車車,大家也要小心身體!有唔舒服記得睇醫生檢查一下!」佢仲提醒大家要多飲水、坐地鐵或巴士時有需要就戴口罩等。

    近日天氣顯著轉涼,噚日衞生防護中心宣佈踏入流感高峰期,大家要注意身體!

    (Apple daily)

    SHARE