佢一直都係宅男心目中嘅女神，更加係港女化妝扮靚嘅美容指標，網上人氣高企，不過！！女神剛剛就宣佈佢要結婚喇！
今日佢喺社交網宣佈自己原來一早已經訂婚，今年十月時佢仲喺法國出席緊巴黎時裝周，有日下午當佢做完嘢準備離開時，髮型師就同佢講話自己唔見銀包，Elva聽到就即刻趕去拍攝現場，點知就見到圈外男友V先生喺橋上現身：「他說了好多好多但我都不記得了，只是一個勁的哭，因為我好感動！！沒有想過他會選擇在我覺得最浪漫的城市向我求婚！」
喺佢上載嘅片中見到，一身西裝造型嘅男友當時即場下跪求婚，更遞上大大紮紅玫瑰及戒指。
身旁亦準備好腳架同相機紀錄呢個難忘一刻。
而女主角盲喊到收唔到聲，場面浪漫又感人，當然最後Elva就首肯答應嫁人啦，真係Sweet到爆～
藝人倪晨曦（Elva）於今年最後一日宣佈訂婚！
一直都被認爲係湯洛雯失散多年嘅異父異母嘅姊妹
佢喺社交網上仲冧爆示愛：「上輩子一定是做了什麼好事，這輩子有這樣的疼愛。」2018年最後一日公布喜訊，唔知佢會喺2019年幾時搞婚禮呢？
恭喜曬！
倪晨曦話同男友一齊嗰陣，佢哋都好少討論結婚嘅事，因為圈外男友知倪晨曦事業心重，「他總是默默的在我身邊不斷的付出，給我一個溫暖的避風港，這個全世界對我最好的男人，永遠都把我放在他前面，包容我、照顧我，對自己總是超級節省，但把最好的都留給我，上輩子一定是做了甚麼好事，這輩子有這樣的疼愛，原來安定下來的心感覺是那麼的踏實」，佢更搞笑將男友求婚驚喜稱為「獵豬行動成功」。
(ig / on.cc / appledaily)
