53歲郭富城同方媛結婚後，老婆為佢生下囡囡Chantelle，到最近佢太太又有咗第二胎，可喜可賀。
不過方媛就一直神隱，就算喺社交網甫相都刻意遮肚。一直以嚟，城城從未試過一家三口出席公開活動，不過今日城城隻新馬「舞士精神」首次出賽，城城大為重視，今日就帶埋老婆同囡囡一齊去沙田馬場撐場。
城城同方媛戴住黑超十指緊扣到馬場，全程拖到實唔放手，見到記者時笑笑口揮手，見到腹大便便嘅方媛着上1.5吋有踭鞋相當貪靚，雖然佢用大褸包到冚，但仍難掩肚凸凸，估計起碼懷有3個幾月身孕。
問到城城有冇信心時，佢話:「平常心。」至於佢哋囡囡，就由工人姐姐抱住入場，工人姐姐都着咗件紅色外套，唔知係咪特登要旺吓城城？
囡囡眼大大超可愛！
城城入馬場其間發生小插曲，話說有位馬迷上前叫郭富城影相，點知叫錯咗「Leon」（黎明），馬迷話：「Leon，可唔可以影張相？」而城城就好有禮貌咁答佢：「我係Aaron。」
(綜合報道)
