被譽為「最靚CEO」的黎姿（現名：馬黎珈而）除咗忙住做生意，同時仲要湊三個囡囡，咁忙但都仲Keep到個靚樣，真係一啲都唔簡單！
好多時都親力親為，真係超犀利！
佢日前喺社交網貼相，罕有地公開三個小公主親自佈置聖誕樹嘅「影後」照。不過合照中就未見黎姿～
今次終於見到黎姿露面啦！佢喺社交網貼出近乎素顏嘅新相，並留言話：「乘搭了10多小時的飛機，雖然很疲憊，但終於可以跟家人放一個悠閒的假期，心情特別興奮！」
雖然黎姿冇透露今次旅行嘅目的地，但如果要飛10幾個鐘嚟計，可能係啲歐美或澳洲地區，有網民話係倫敦。
不過，網民關注嘅重點並唔係黎姿去咗邊，反而係佢坐咗10幾個鐘飛機，皮膚仲係勁好，叫唔少網民大叫羨慕。
唔知佢帶咗3位小公主去邊呢？不如勤啲更新同大家開心share吖……
(綜合報道/apple daily)
