32歲大陸女星楊冪同44歲劉愷威昨日冬至宣佈離婚，結束5年夫妻情。有大陸傳媒報道，據知情人士透露，楊冪同劉愷威於兩個月前在加拿大搞掂離婚手續，小糯米將繼續留喺香港讀書，跟爺爺劉丹生活。至於點解揀喺昨日公佈離婚消息，報道指日期係兩人共同決定，因為小糯米開始放聖誕假期，佢哋唔希望女兒受到傳媒打擾。
其實近年楊冪同劉愷威已經屢傳婚變，今年10月劉愷威踏入44歲生日，但楊冪卻唔似往年咁喺微博發文祝福晒恩愛，今年零留言完全無視老公生日！由於離婚傳聞未斷過，上個禮拜四（20日），有網民預告兩人於翌日（21日）宣告離婚，大陸傳媒向楊冪工作室求證，但得到嘅回應依然係否認：「沒有，這種傳聞好無聊！」估唔到事隔兩日，楊冪就自打嘴巴宣佈離婚。
網民除咗諗起曾同楊冪傳緋聞嘅李易峰，仲諗起曾經公開講過好欣賞楊冪嘅大陸富二代王思聰，事關王思聰曾經喺微博向楊冪開玩笑：「離婚就娶妳！」現網民紛紛叫王思聰「找數」。
相關新聞：
【孫女小糯米點？】劉丹首開腔回應楊冪劉愷威離婚 https://goo.gl/Jmpttm
【奶奶嫌無孫仔抱 超難頂!?】楊冪劉愷威被爆離婚内幕 https://goo.gl/Uv9Sji
【傳楊冪劉愷威將宣佈離婚】楊冪：結果依然逃不掉傷心 https://goo.gl/bsjagk
【傳即將與劉愷威宣佈離婚】楊冪首回應 https://goo.gl/y32cKv
【劉愷威當年霸氣求婚 楊冪：家庭不應該成為束縛】https://goo.gl/v9DDmG
【傳兩個月前搞離婚 劉愷威楊冪揀喺冬至宣布分訊係因為⋯】https://goo.gl/yCC5ez
(apple daily)
