歌手江若琳（Elanne）及蕭潤邦（Oscar）昨日結婚。Oscar自爆床頭擺咗「閃卡」，指入行時冇福氣同江若琳合照，Oscar解釋：「我將佢張閃卡同自己張證件相，黐埋一齊，放喺床頭。」問到有冇咩感動位，江若琳就話：「由噚晚上頭開始，已經一直開住『水喉』，媽咪同我上頭，把梳一掂到我個頭，我已經想喊，因為我哋開咗盤口，估邊個會喊先，為咗姊妹著想，我惟有忍住，另一個感動位就係著咗婚紗，爸爸幫我蓋頭紗嗰陣。」
Oscar喺婚禮上最先喊，佢話因為婚禮現場播出《One And Only》呢首歌，佢話：「跟住見到佢出場，當時覺得好似自己發緊夢咁，好感動，先開始扁嘴同咬唇，佢哋以為我喊，咁之後都真係有喊，因為真係好感動，朝早接新娘覺得好好玩，到下晝簽字時，有律師在場，又有親友喺度，就覺得好認真。」江若琳反問佢係唔係反悔，Oscar笑言：「唔係喇!」二人打情罵俏。
一對新人接受訪問，問到Oscar有何驚喜給太太？
他表示已跟兄弟計劃好，而Elanne則自言肯定沒有驚喜，要把舞台留給新郎。會場主題方面，他們稱是聖誕派對主題：「好似嘉年華咁，有3米高嘅聖誕樹、遊戲攤位、水吧、Photo Booth同糖果區，有禮物畀賓客拎走。」談到開支很大，Oscar認為最緊要Elanne開心，很多事由太太主導，又透露花了7位數，Elanne則坦言很開心。
首飾方面，Elanne指媽媽送了皇冠給她做嫁妝：「今晚仲有個Darry Ring（DR）鑽石皇冠，係Oscar送嘅。求婚戒指兩卡，今晚呢對結婚戒指就係碎鑽，Oscar嘅係黑碎鑽，我嘅係白碎鑽。」
他們透露買這對求婚及結婚戒指也要用身份證登記，一世人只可以買一次，絕對不會買給另一人，而幾日後他們將到英國度蜜月，之後再去周邊城市。
世上得一對嘅戒指~
Oscar指太太想看北極光，但又怕凍，他笑說：「佢依家喺香港都要用暖氈，不如去泰國啦！咁就打消咗睇北極光嘅念頭。」
提到生B，他們均覺得沒所謂，Oscar說：「係緣分，婚後不設防，自然啲就得，Elanne依家都咁大個女啦！」Elanne亦坦言想生屬豬的小朋友，會嘗試趕工，但也要看天意。
相關新聞：
【係佢接到花球！江若琳：嫁畀你係我生命中最無悔最正確嘅選擇】https://goo.gl/APZwS1
【鬧蕭潤邦班兄弟好無賴 小肥不滿：我哋強迫收咗⋯】https://goo.gl/Yb3D2L
【三對情侶超級Sweet！江若琳多次感動落淚】https://goo.gl/xdV2UP
【江若琳蕭潤邦結婚 伴娘竟然係佢：第一次⋯】https://goo.gl/FgsTPB
【係咪有BB？】蕭潤邦江若琳婚照曝光 https://goo.gl/EmxWQo
（on.cc / apple daily）
