藝人陳敏之、吳若希（Jinny）到荃灣出席《Big Big Re-gifting Day拆動愛·啟動禮》活動，呼籲小朋友趁佳節捐玩具予低收入家庭的兒童。
敏之及Jinny兩位靚媽齊齊受訪，談到聖誕，二人都表示會帶子女去與其他小朋友開派對，Jinny笑謂：「會帶囡囡去林盛斌屋企，佢個細仔可以同我囡囡玩。（對親家？）嫁到入佢屋企就發達喇！」
敏之亦雀躍表示：「我個仔都鍾意姐姐（林盛斌囡囡），佢返playgroup會挨住啲靚姐姐，我就會話佢唔得咁！」
敏之大爆囝囝熱愛汽車：「玩具車依家係佢嘅生命。（大個做賽車手？）唔知，但佢一定會揸車，希望佢努力啲啦。」
談到再懷孕的計劃，敏之正式宣布要Ready生二胎啦！佢話：「想養好身體先，要開始喇。我個仔啲電永遠放唔晒，所以都擔心自己年紀漸長照顧唔嚟，睇天意啦。」
Jinny則指囡囡較文靜：「佢鍾意睇書。（再追B？）唔知㗎，話唔定聽日就有咗。」
(on.cc)
